Kailan kaya tayo makalalaya
sa iba't-ibang klase ng pagkakakulong? 

Paano kaya
naisisilid
ang mga alaala
sa isang kanta?

.

Ganito lang pala ako kaliit sa mundong minsan akong nagmalaki.

Thanatos

(orihinal na guhit ni KC Victoria,02-13-2017)

"Kung ibig mong tanawin ay ilang na lugar, kabilugan ng buwan, kagubatan, kulog at kidlat at bagyo at ulan. Kung nakakakita ka ng natatanging kagandahan sa peligro at kabaliwan, ikaw ay taong Thanatos." -Tony Perez

Una

Ganoon naman talaga siya simula pa noong una. Hindi siya nagsasawang magsimula nang paulit-ulit. Basta’t sa bawat pagsisimula’y sisigurauhin niyang may bago. Kaya ngayon nagsimula ulit siya sa umpisa.  Di para magbura ng mga alaala, kundi para bumuo. Kasi ngayon—bukod sa mas marami na siyang kayang gawin, mas marami na rin siyang kayang sabihin.